İsveç parlamenti vətəndaşlıq almaq qaydalarını sərtləşdirən qanun qəbul edib

İsveç parlamenti vətəndaşlıq almaq qaydalarını sərtləşdirən qanun qəbul etdi. İndi əcnəbilər ölkədə səkkiz il yaşamalı və yüksək gəlir əldə etdiklərini sübut etməlidirlər. Bu barədə İsveçin dövlət nəşri SVT məlumat yayıb.
Hökumətin təşəbbüsünü 258 parlament üzvü dəstəkləyib. Parlamentin yalnız 33 üzvü əleyhinə səs verib, Riksdaqın daha 58 üzvü isə səsvermə zamanı iştirak etməyib.

Qanuna görə, vətəndaşlıq üçün müraciət edənlər üçün yaşayış müddəti artırılıb. Əvvəllər əcnəbilərin ölkədə yalnız beş il qanuni yaşaması tələb olunurdu, indi isə bu müddət səkkiz il olacaq.
Qaydalar gənclər üçün də daha sərtləşib. 16 yaşı tamam olan hər kəs artıq cəmiyyətə inteqrasiyasını sübut etməlidir.

Pasport almaq üçün üç xüsusi testdən keçməlisiniz:

• İsveç dili biliyi;
• sosial elmlər biliyi;
• hərtərəfli vətəndaşlıq imtahanı.
• Pul tələbi: nə qədər gəlir tələb olunur

İqtisadi müstəqillik artıq yeni vətəndaşlar üçün məcburi tələbdir. Ərizəçilər rəsmi olaraq sabit məşğulluq və gəlirlərini təsdiqləməlidirlər.

Minimum illik gəlir 241.800 İsveç kronu olmalıdır. Bu, ABŞ dolları ilə təxminən 22.000 dollardır. Bu maliyyə tələbi olmadan müraciətlərə baxılmayacaq.
Dəyişikliklər cəmi bir neçə həftə ərzində qüvvəyə minəcək. Rəsmi başlama tarixi 6 iyundur.

Vacib bir detal: qanun geriyə təsir göstərir. Qaydalar hətta bir neçə il əvvəl müraciətlərini təqdim edən və hələ də qərar gözləyənlərə də təsir edəcək. Bu, köhnə qaydalar çərçivəsində pasport almağa ümid edən minlərlə miqrant üçün yeni çətinliklər yaradır.

Əziz MUSTAFA