ABŞ İrandan uranın zənginləşdirilməsinə 20 illik moratorium istəyir

Vaşinqton Tehranın 20 il müddətinə uranın zənginləşdirilməsindən imtina etməsini istəyir. Bu barədə The Wall Street Journal (WSJ) mənbələrə istinadən məlumat yayıb.

Onların sözlərinə görə, ABŞ İranda uranın zənginləşdirilməsinə 20 illik moratorium əldə etməyə çalışır və İslam Respublikasına məxsus bütün zənginləşdirilmiş nüvə materiallarının çıxarılmasını tələb edir. WSJ yazır ki, ABŞ administrasiyası həmçinin İsfahan, Nətənz və Fordodakı nüvə obyektlərinin sökülməsində, nüvə proqramının bir hissəsi kimi yeraltı işlərin qadağan edilməsində və yoxlamaların aparılmasında israr edir.

Xatırladaq ki, CNN daha əvvəl mənbələrə istinadən Vaşinqton və Tehranın 10 ildən çoxdur ki, İranda uranın zənginləşdirilməsinə mümkün moratoriumun tətbiqini müzakirə etdiyini bildirmişdi.

5 may tarixində Axios Vaşinqton və Tehranın silahlı münaqişəyə son qoymaqla bağlı bir səhifəlik memorandum imzalamağa yaxın olduqlarını bildirmişdi. Məlumata görə, ABŞ tərəfi İranın münaqişəyə son qoymaq üçün təkliflərə 48 saat ərzində cavab verməsini gözləyir. İran Xarici İşlər Nazirliyinin sözçüsü Esmail Baghai bildirib ki, İran hələ də ABŞ təkliflərini nəzərdən keçirir və cavabını daha sonra Pakistana bildirəcək.

Əziz Mustafa