Myanmada 2,2 kq çəkidə nəhəng yaqut tapılıb

Myanmanın əsas qiymətli daşlar hasilatı rayonunda 11 min karat (2,2 kq) çəkidə nadir yaqut tapılıb. Oxuməni.az “TASS”a istinadən xəbər verir ki, bu barədə ölkənin informasiya nazirliyi məlumat yayıb.
"Yaxın zamanda aşkar edilmiş yaqut 2200 qram (11 000 karat) çəkiyə malikdir, o, müstəsna dərəcədə böyük və nadirdir. Nəhəng yaqut sarımtıl çalarlı bənövşəyi-qırmızı rəngdədir və yüksək keyfiyyətli hesab olunur. O, həmçinin mülayim şəffaflığa, əla şüşə kimi parıltıya malikdir və heç bir emal və ya təkmilləşdirmə olmadan təbii vəziyyətini qoruyub saxlayıb", - deyə idarənin saytında dərc olunan məlumatda bildirilir.
Rəsmi məlumatlara görə, son 10 ildə Mandalay şəhəri yaxınlığındakı Moqok qiymətli daşlar hasilatı rayonunda bir neçə böyük yaqut tapılıb. 1990-cı ildə 496,2 karat (99,25 qram) çəkidə, 1996-cı ildə 21,4 min karat (demək olar ki, 4,3 kq), 2022-ci ildə isə Myanmada təxminən 2,8 min karat və ya təxminən 558 qram çəkidə daş hasil edilib.
"Hər biri onlara son dərəcə dəyərli edən unikal xüsusiyyətlərə və keyfiyyətlərə malikdir. 1996-cı ildə tapılan yaqut çəkisinə görə ən böyük olsa da, indi tapılan yaqut onun rəngi və keyfiyyəti əvvəlkilərdən üstün olduğu üçün daha dəyərli hesab olunur", - deyə məlumatda qeyd olunur. Daşı kimin tapdığı barədə məlumat verilmir.
Almaz Həsənli