Starmer yerli seçkilərdə Leyboristlərin məğlubiyyətindən sonra liderlik uğrunda mübarizə aparır

Böyük Britaniya Baş naziri Kir Starmer bazar ertəsi günü onun siyasi gələcəyini müəyyən edə biləcək əsas çıxış edəcək. Leyboristlərin yerli seçkilərdəki sarsıdıcı məğlubiyyətindən, o cümlədən Uels Parlamentinə tarixi nəzarəti itirməsindən sonra bir neçə potensial rəqib artıq partiya liderliyi uğrunda mübarizə aparmağa hazırlaşır. Bu barədə Bloomberg məlumat verib.

Ötən cümə axşamı keçirilən yerli seçkilər Leyboristlər üçün fəlakət oldu. Nigel Farage-in populist Reform UK partiyası ölkə daxilində qələbələr qazandı. Nəticələr Leyborist Partiyasında bir çoxlarını növbəti ümumi seçkilərdən əvvəl - 2029-cu ilin avqustundan gec olmayaraq partiyanın yeni bir liderə ehtiyacı olduğuna inandırdı.

Baş nazir çıxışında "çətinliklərin öhdəsindən gələcəyinə" söz verəcək və "artımlı dəyişikliklərin kifayət etmədiyini" etiraf edəcək. O, Brexitdən on il sonra AB ilə münasibətləri gücləndirəcəyinə söz verir. Starmer həmçinin yaşayış xərclərinə və milli təhlükəsizliyə diqqət yetirəcək.

Əziz MUSTAFA