Bu şəhərdə insanlar pulsuz, dinsiz və siyasətsiz yaşayırlar

Hindistanda eksperimental şəhərcik kimi qurulan Aurovil şəhərində insanlar həyatlarını siyasətsiz, dinsiz və pulsuz yaşayırlar. Burada insanlar ortaq paylaşma, davamlılıq və töhfə iqtisadiyyatı modeli ilə bildiyimiz müasir dünyadan çox fərqli bir fəlsəfəyə malikdirlər.

Cəmiyyətlər həmişə eyni təməllər üzərində formalaşıblar. Siyasət, din və pul. Bununla belə, Hindistanın Aurovil şəhərində insanların həyatı bütün bu sadalanan qaydalara ziddir. İnsanlar burada siyasətsiz, pulsuz və dinsiz yaşayırlar. Yaradılan icma sözün həqiqi mənasında utopik olmaqla yanaşı, həm də realdır.

Auroville konsepsiyası “Ana” kimi tanınan ruhani lider Mirra Alfassa və onun həmkarı Şri Aurobindonun vizyonundan doğulmuşdur. Onlar müxtəlif mənşəli insanların milliyyət, din və siyasət sərhədlərini aşaraq birlik içində bir araya gələ biləcəyi bir məkan arzusunda idilər.

Aurovilin mərkəzində Aurovilin mənəvi istəklərinin simvolu kimi xidmət edən möhtəşəm qızıl kürə olan Matrimandir yerləşir. Göl və yaşıllıqlarla əhatə olunmuş Matrimandir şəhərin düşünən mərkəzidir.

Auroville mənəviyyatın qəbul edildiyi lakin heç bir dini mənsubiyyəti olmayan bir yerdir. Sakinlər öz mənəvi yollarını araşdırmaqda və fərdi inancları ilə səsləşən təcrübələrlə məşğul olmaqda sərbəstdirlər. Auroville-in əsas prinsiplərindən biri davamlılıqdır. Şəhər sakinləri təbiətlə harmoniya içində yaşamağı, özünü təmin edən bir model yaratmağı hədəfləyirlər. Üzvi kənd təsərrüfatı, bərpa olunan enerji mənbələri və tullantıların idarə edilməsi sistemləri kimi ekoloji təcrübələr cəmiyyətin dəyərlərinin tərkib hissəsidir. Aurovildə pul anlayışını “töhfə iqtisadiyyatı” kimi tanınan sistem əvəz edir. Sakinlər pul mübadiləsi etmədən öz bacarıqlarını, vaxtlarını və enerjilərini cəmiyyətə təqdim edirlər və iş cəmiyyətə xidmət kimi görünür. Hər bir fərd öz qabiliyyətinə və maraqlarına uyğun olaraq cəmiyyətə töhfə verir. Lakin bütün resursların ümumi olması mülkiyyət anlayışını ortadan qaldırır. Auroville şəhərinin bütün sakinləri cəmiyyətə təsir edən məsələ ilə bağlı öz fikirlərini açıq şəkildə ifadə edə və kollektiv qərar sistemi vasitəsilə prosesi istiqamətləndirə bilərlər. Bütün qərarlar kollektiv maraqlar nəzərə alınmaqla qəbul edilir. Auroville dünyanın qalan hissəsindən kəsilmiş bir yer deyil. İcma dünyanın hər yerindən olan təşkilatlar və şəxslərlə müxtəlif təbliğat təşəbbüsləri, davamlılıq layihələri və təhsil proqramları kimi müxtəlif fəaliyyətləri davam etdirir.

Murad Şahməmmədov