Bakı bulvarında nəhəng məxluq tapılıb?
Xəzər dənizində Bakı bulvarı ərazisində naməlum məxluqun görünməsi ictimaiyyətdə geniş əks-səda doğurub. Şahidlər, bir müddət suyun səthində olan, sonra dərinliklərdə itən təsirli ölçülü bir məxluqun görünüşünü bildirirlər.
Sosial şəbəkələrdə yayılan videomateriallar istifadəçilər arasında qızğın müzakirələrə səbəb olub.
Bu gün Bakı sakinlərini Bakı bulvarının sahilində qeyri-adi mənzərə təəccübləndirib - orada kaşalota bənzəyən nəhəng balina aşkar edilib. Lakin sonradan məlum olub ki, bu, əsl dəniz canlısı deyil, məharətlə işlənmiş sənət obyektidir.
Xəzər sahilində peyda olan bu, iqlim dəyişikliyinə diqqəti cəlb etmək üçün nəzərdə tutulmuş Avropa qrupunun "Captain Boomer" in işidir.
Onu da qeyd edək ki, "Captain Boomer" daha əvvəl London, Paris və digər şəhərlərdə "sahilə atılmış balinalar" kimi oxşar heykəllər nümayiş etdirib və hər dəfə ictimaiyyət arasında böyük rezonans yaradıb.
Almaz Həsənli
.jpg)
