"Park Cinema"da “Yaramaz Mən 3” Azərbaycan dilində!

Mediainfo.az xəbər verir ki, dünən "Park Cinema Flame Towers"da uşaqların və böyüklərin sevimli filmi "Yaramaz Mən 3" (Despicable Me 3) Azərbaycan dilində dublyaj ilə təqdim olundu. Tədbirə dəvət olunan jurnalistlər, bloqerlər, məhşurlar, balacalar və digər qonaqlar filmin öz dilimizdə olmasını müsbət qarşıladıları və bu cür təqdimatların davamlı olmasını dilədilər. Qeyd edək ki, film Azərbaycanda CinePro şirkətində, Eldəniz Rəsulovun rejissorluğu ilə dublyaj olunub. Dmitriy Batıjev və Teymur Kərimovun səs rejissorları olduğu filmi Abbas Qəhrəmənov (Gru), Elman Rəfiyev (Dru), Hüsniyyə Mirvatova (Lyusi), Ofeliya Novruzqızı (Valeri), Xələf Cavadov (Clayv) və digərləri səsləndiriblər.

"Dominos Pizza", "Shokki Mokki" və "Super Milky"nin dəstəyi ilə keçirilən media nümayişində qonaqlar əvvəlki seriallardan fərqli olaraq, "Yaramaz Mən-3"ün daha maraqlı və gülməli olduğunu qeyd ediblər.

Sinopsis: Qəhrəmanlarımızın üçüncü qayıdışına az qalıb. Çoxuşaqlı super agent, gözəlçə və ölümsüz minyonlar. Onlar dünyanı ələ keçirəcəklər.

Filmi 29 iyundan etibarən Park Cinema kinoteatrlar şəbəkəsində izləyə bilərsiniz.

Sinopsis: Qəhrəmanlarımızın üçüncü qayıdışına az qalıb. Çox uşaqlı super agent, gözəlçə və ölümsüz minyonlar. Onlar dünyanı ələ keçirəcəklər.

Dəvətə və təşkilatçılığa görə "Park Cinema"nın mətbuat katibi Kəmalə İsmayılovaya dərin təşəkkürümüzü bildiririk!

Hazırladı: Könül AYPARA