Sesk Fabreqas "Çelsi"nin yeni baş məşqçisi ola bilər
"Komo"nun baş məşqçisi Sesk Fabreqas ingilis mütəxəssis Liam Rosinyoru "Çelsi"nin baş məşqçisi postunda əvəz edə bilər.
Oxuməni.az-ın TEAMtalk nəşrinə istinadən verdiyi məlumata görə, "mavilər" mövcud məşqçi ilə mövsümün sonunda yollarını ayırmaq qərarına gələcəyi təqdirdə, ispaniyalını yaxından izləyirlər. Onun topa sahibliyə əsaslanan proqressiv oyun tərzi, gənc istedadların inkişafında əldə etdiyi uğurlar londonluların diqqətini cəlb edib.
Mənbənin məlumatına görə, 2025-ci ilin yanvarında təyin olunmuş və 2032-ci ilə qədər uzunmüddətli müqavilə imzalamış Rosinyor "Çelsi" rəhbərliyinin dəstəyindən istifadə edir. Rəhbərlik ona öz baxışlarını həyata keçirmək üçün vaxt veriləcəyini israr edir. Lakin klub 2026/2027 mövsümündə Çempionlar Liqasına vəsiqə qazana bilməsə, məşqçi dəyişikliyi baş verə bilər.
Almaz Həsənli
