QALMAQAL – İctimai TV milli idmanımıza biganə qaldı
Bu gün Rio-2016 çərçivəsində Cüdo üzrə kişilər arasında 73 kq çəkidə yarışlara start verilib. Dünya reytinq cədvəlində 2-ci yerdə qərarlaşmış, sonuncu Avropa çempionu Rüstəm Orucov da Bakı vaxtı ilə 17:25 radələrində tatamiyə çıxıb. Bu çəkidə qızıla ən real namizəd sayılan cüdoçumuz qazaxıstanlı rəqibi ilə güləşdiyi zaman hamının diqqəti İctimai TV-yə yönəlib. Yarışların rəsmi yayımçısı olan milli kanalımız bu görüşü birbaşa yayımlamaq əvəzinə Çinlə-İtaliyanın voleybol matçını yayımlamağa başlayıb.
Maliyyəsinin əsas hissəsi Azərbaycan büdcəsindən təmin olunan İctimai Tv-nin bu hərəkətini milli idman hərəkatımıza xəyanət və ya səhlənkarlıq adlandırmaq çətindir. Hər halda bu cür biganəlik yolverilməzdir.
Xatırladaq ki, milli cüdoçumuz bugünkü yarışda rəqibini yenərək 1/8 finala vəsiqə qazanıb. Onun növbəti görüşü təxminən 15 dəqiqədən sonra baş tutacaq.
Mediainfo.az
