Netanyahu HƏMAS üzvlərini "təslim ol, ya öl"ə dəvət edib

22 Dekabr 2023 14:11

Bəyəndim (0) Bəyənmədim (0)

İsrailin baş naziri Benyamin Netanyahu xalqa müraciətində deyib ki, İsrail qələbəyə qədər Qəzza zolağında müharibə aparacaq, beləliklə, Həmas hərəkatının üzvləri “ya təslim olacaq, ya da öləcəklər”.

“Biz qələbəyə qədər mübarizə aparırıq... Biz onun bütün məqsədlərinə – HƏMAS-ın tamamilə məhv edilməsinə və bütün girovlarımızı azad etməyənə qədər müharibəni dayandırmayacağıq. Əvvəldən axırına kimi bütün HƏMAS terrorçuları ölümlə üz-üzədir. Onların yalnız iki yolu var: ya təslim olmaq, ya da ölmək”, - Netanyahu bildirib.

Dekabrın 21-nə keçən gecə “The Wall Street Journal” qəzeti yazıb ki, HƏMAS İsrailin 40 girovun azad edilməsi müqabilində bir həftəlik atəşkəs təklifini rədd edib.

Oxuməni.az