Abxaziyada müxalifətçilər və ictimai xadimlər “parlament”in qərarının ləğvini tələb ediblər.

Abxaziya “parlamenti” dekabrın 27-də səhər tezdən növbədənkənar iclasında Pitsunda dövlət bağının Rusiyaya verilməsini təsdiqləyən Rusiya-Abxaz sazişini ratifikasiya edib. “Echo of Caucasus” yazır ki, “qanunverici orqanın spikeri” Laşa Aşuba dünən axşamdan “parlament” binasının qarşısında olan sənədin əleyhdarlarına məlumat verib.Müxalifətçilər və ictimai xadimlər “parlament”in qərarını “biabırçı” adlandırıb və onun ləğvini tələb ediblər. Keçmiş Ombudsman Asida Şakrılın sözlərinə görə, qəbul edilən qərar qeyri-legitimdir.

“Gözlədiyimiz ən pis şey baş verdi. Deputatlar “Abxaziya Respublikasının Konstitusiyasına” və ölkənin qanunlarına məhəl qoymadılar, “Konstitusiya”nı, qanunları tapdaladılar. Onlar pozula biləcək hər şeyi pozdular. Parlament üzvləri bu qərarı niyə verdiklərinə - gecə saatlarında növbədənkənar iclas keçirməyə haqq qazandırmalıdırlar. Onlar bu sessiyanın qanuniliyinə haqq qazandırmalı idilər”, - deyə Şakril jurnalistlərə bildirib.

Daha əvvəl “Abxaz Xarici İşlər Nazirliyinin rəhbəri” İnal Ardzinba bildirmişdi ki, sazişə bütün lazımi texniki düzəlişlər “Rusiya və Abxaziya Xarici İşlər Nazirlikləri arasında nota mübadiləsi yolu ilə edilib”. Sənəd beynəlxalq hüququn ümumi normalarına, habelə Beynəlxalq müqavilələr haqqında 23 may 1969-cu il tarixli Vyana Konvensiyası”na uyğundur.

Rusiya səfiri Mixail Şurqalin isə bildirib ki, müqavilədə obyektin yerləşdiyi torpağın Rusiya Federasiyasına verilməsi nəzərdə tutulmayıb. “Ərazi 49 il müddətinə icarəyə verilib. Yalnız binalar mülkiyyətə veriləcək, onların saxlanması və təmiri Rusiyanın Federal Təhlükəsizlik Xidməti tərəfindən həyata keçiriləcək”, - diplomat bildirib.

Oxuməni.az