Efiopiya Afrikanın ən böyük su elektrik stansiyasını işə salıb

Efiopiya, ölkənin milyonlarla sakinini elektrik enerjisi ilə təmin etmək üçün nəzərdə tutulmuş Afrikanın ən böyük su elektrik stansiyasının rəsmi açılışını etdi. Oxuməni.az xəbər verir ki, bu barədə “Deutsche Welle” məlumat yayıb.

Çərşənbə axşamı, Qubada Böyük Efiopiya İntibah Anbarının (GRD) açılış mərasimi olub. Tədbirdə Efiopiyanın baş naziri Abiy Əhməd, həmçinin Somali, Cibuti və Keniya prezidentləri iştirak ediblər.

Sudanla sərhəddə yerləşən Mavi Nil çayında dəyəri 5 milyard dollar olan su elektrik stansiyasının tikintisinə 2011-ci ildə başlanılıb.İlk turbin 2022-ci ildə işə salındıqdan sonra bəndin gücü tədricən artıb və rəsmi açılış ərəfəsində maksimum 5150 MVt-a çatıb. Bu, onu dünyanın 20 ən böyük su elektrik stansiyasından birinə çevirir, “Reuters” qeyd edir.

Böyük Efiopiya İntibah Anbarı təxminən 120 milyon əhalisi olan ölkənin elektrik enerjisinə ehtiyacını ödəmək üçün nəzərdə tutulmuşdur və hər hansı bir artıqlıq qonşu ölkələrə ixrac olunur. Baş nazir Abiy Əhməd 14 illik layihənin tamamlanmasını "tarixi nailiyyət", bəndin tikintisini isə bütün Afrika üçün "ortaq fürsət" adlandırıb.

Almaz Həsənli