Seul Koreya yarımadasındakı nüvə probleminin həlli yolunu göstərib

11 Sentyabr 13:30

Bəyəndim (0) Bəyənmədim (0)

KXDR-in nüvə və raket proqramları ilə bağlı problemləri “Koreya yarımadasının birləşdirilməsi” yolu ilə əsaslı şəkildə həll etmək olar. Bunu Cənubi Koreyanın milli müdafiə naziri Kim Yon Hyun deyib.

"Şimali Koreyanın nüvə və raket təhdidlərinin, eləcə də insan haqlarının vəziyyətinin əsas həlli azad və vahid Koreya yarımadasının yaradılmasındadır. Şimalda azadlıq dəyərlərini yaymaqla, biz Koreya yarımadasında dəyişiklik yaradacağıq. Şimali Koreyalılar azadlıq əsasında birləşmək istəyirlər”, - nazir Seul Müdafiə Dialoqu zamanı deyib. Onun çıxışı Cənubi Koreya hərbi idarəsinin YouTube kanalında yayımlanıb.

Avqustun 15-də Cənubi Koreya prezidenti Yoon Seok-yeol “azadlıq yolu ilə birləşmə” strategiyasını elan etdi və bu strategiyaya əsasən Seul məsələyə beynəlxalq dəstək axtaracaq. Yoon Seok-yeol bildirib ki, Koreya Respublikasının təkbaşına birləşməyə nail olması çətin olacaq, "necə ki, yarımadanın bölünməsi dünya siyasətinin nəticəsi idi".

Oxuməni.az