Maduro Dominikan Respublikasının prezidentini “quldur” və “oğru” adlandırıb

Venesuela prezidenti Nikolas Maduro Dominikan prezidenti Luis Abinaderin “quldur və oğru” olduğunu deyib. Bolivar Respublikasının lideri müvafiq bəyanatla hökumətin iclasında Dominikan Respublikasında onun təyyarəsinin ABŞ hakimiyyət orqanları tərəfindən müsadirə olunmasını şərh edib.

“Mən təyyarəsiz qaldım. Bu oğru, Dominikan Respublikasının Prezidenti Abinader, quldur və oğrudur. Dominikan Respublikası xalqı onun haqqını vaxtında ödəyəcək. "Mən deyiləm" iddiasına ehtiyac yoxdur. Mən onunla dəfələrlə, xeyli, üz-üzə danışmışam”, – Venesuela rəhbəri bildirib.

Sentyabrın 4-də məlum olub ki, Venesuela hökumətinin ikinci təyyarəsi Dominikan Respublikasında saxlanılıb. Bu, ABŞ hakimiyyətinin tələbi ilə edilib. Təyyarə beynəlxalq hava limanında yerləşir və məhkəmə icazəsi olmadan hərəkət etmək qadağandır.

Sentyabrın 2-də ABŞ Dominikan Respublikasında Maduronun təyyarəsini ələ keçirərək Floridaya aparıb. ABŞ Ədliyyə Nazirliyi təyyarənin ABŞ-ın sanksiya qanunlarını pozduğuna görə müsadirə edildiyini bildirib.

Oxuməni.az