Amerikanın Keniyadakı hərbi bazasında terror aktı nəticəsində ölənlər var
ABŞ-ın Keniyadakı hərbi bazasına terrorçular hücum ediblər. Nəticədə ABŞ-ın 1 hərbi qulluqçusu və Pentaqonun 2 amerikalı nümayəndəsi qətlə yetirilib.
Oxumeni.az ABŞ Silahlı Qüvvələrinin Afrikadakı komandanlığına istinadla xəbər verir ki, bu terror hücumuna görə məsuliyyəti Somalidəki “Hərəkat əş-Şəbab” qruplaşması öz üzərinə götürüb. Qısamüddətli atışma nəticəsində terrorçu qrupun 4 silahlı üzvü də öldürülüb.
ABŞ Silahlı Qüvvələrinin Afrikadakı komandanlığının rəhbəri Stiven Taunsend deyib: “Bu gün həlak olmuş komanda yoldaşlarımızın ruhuna onların ailələri və dostları ilə birlikdə biz də dua edirik”. S.Taunsend bildirib ki, bu hücuma görə məsuliyyət daşıyanlar, amerikalılara və ABŞ-ın mənafeyinə zərər vurmağa çalışanlar törətdikləri cinayətlərə görə cavab verəcəklər.
Terror aktı nəticəsində ABŞ Hərbi Hava Qüvvələrinə məxsus hərbi nəqliyyat təyyarəsi sıradan çıxarılıb, ABŞ Müdafiə Nazirliyinin 2 əməkdaşı yaralanıb. Komandanlığın bəyanatında qeyd edilir ki, yaralananlar Keniyadan təxliyə edilib, onların vəziyyəti sabitdir.
© Materiallardan istifadə edərkən hiperlinklə istinad olunmalıdır
Oxumeni.az