Ağsuda icra hakimiyyətinə şikayət üçün gedən rayon sakini həbs edildi

4 Oktyabr 2019 14:18

Bəyəndim (0) Bəyənmədim (0)

Prezident İlham Əliyevin sərəncamı ilə Ağsu Rayon İcra Hakimiyyətinin başçısı Ənvər Seyidəliyev vəzifəsindən azad edilərək, Vahid Heydər oğlu Tağıyevi Ağsu Rayon İcra Hakimiyyətinin başçısı təyin edilib.

Oxumeni.az Sozcu.az-a istinadən bildirir ki, yeni icra başçısı ilk iş günündə rayon polis şöbəsinə şikayətçilərin İcra Hakimiyyətinin binasına buraxılmaması tapşırığını verib və icra hakimiyyətinə şikayət üçün gələn sakinlər polislər tərəfindən ərazidən uzaqlaşdırılıb. Məlumata görə, rayon sakinləri icra hakimiyyətinə buraxılmır.

Digər məlumata görə, oktyabr ayının 3-də, şikayət üçün icra hakimiyyətinə gələn Ağsu rayon Pirhəsənli kənd sakini Bədəlov Ruhit Afər oğlu polisin qanuni əmrinə tabe olmamaqda ittiham edilərək, 10 sutka inzibati həbs cəzasına məhkum edilib.

Xatırladaq ki, keçmiş icra başçısı Ənvər Seyidəliyev də, Ağsu rayonun Pirhəsənli kəndindəndir.

Oxumeni.az