Filippində qasırğa səbəbindən 23 min insan limanlarda qalıb

25 Dekabr 2019 09:48

Bəyəndim (1) Bəyənmədim (0)

Filippinin mərkəzi hissəsində tüğyan edən “Fanfon” qasırğası səbəbindən 23 min insan limanları tərk edə bilmir.

Oxumeni.az France-Presse agentliyinə istinadla xəbər verir ki, yerli aviakompaniyalar fövqəladə vəziyyətlərin qarşısını almaq üçün daxili reyslərin bir hissəsini ləğv edib, həmçinin ölkədə dəniz əlaqəsi də kəsilib. Filippində Ursula adlandırılan “Fanfon” qasırğasında küləyin sürəti saatda 150 kilometrə çatır. Ada dövlətin sahilyanı rayon və regionlarında yaşayan əhali təxliyə olunub.

“Fanfon” 2013-cü ildə 6,3 min nəfərin ölümünə səbəb olan “Hayana” qasırğasının trayektoriyası üzrə hərəkət edir. Hələlik təbii fəlakət nəticəsində xəsarət alanlar və ya həlak olanlar barədə məlumat verilmir.

Oxumeni.az