Fələstin ABŞ-ın İsrailə maliyyə yardımı ayırmasını pisləyib

Fələstin Milli Administrasiyasının rəhbərinin mətbuat katibi Nəbil Əbu Rudeyna bildirib ki, ABŞ Konqresinin İsrailə əlavə yardımı təsdiqləməsi İsrailin təcavüzünün artmasına, Qəzza zolağında münaqişənin miqyasının artmasına gətirib çıxarır.

“ABŞ-ın təhlükəsizlik yardımı (İsrailə - IF) Fələstin xalqına qarşı təhlükəli eskalasiya və təcavüzü təmsil edir. Bu da İsrailə müharibənin miqyasını genişləndirmək (Qəzza zolağında HƏMAS-a qarşı - IF) üçün yaşıl işıq yandırır və bütün ölkələri Fələstin zolağına daxil edir”, - deyə WAFA-nın məlumatında deyilir.

Onun sözlərinə görə, İsrailə yardımın təsdiqlənməsi ABŞ-ın Yaxın Şərqdə təhlükəsizlik və sabitlik axtarmaq iddialarının etibarlılığını şübhə altına alır.

Xatırladaq ki, bir gün əvvəl ABŞ Nümayəndələr Palatası Ukraynaya 61 milyard dollarlıq əlavə yardım və dondurulmuş Rusiya aktivlərinin Kiyevə verilməsi, İsrailə 26,4 milyard dollar və Hind-Sakit okean regionunda müttəfiqlərə 8,1 milyard dollar dəyərində yardım haqqında qanun layihələrini təsdiqləyib.

Oxuməni.az