ABŞ 2024-cü maliyyə ilində 270 min miqrantı ölkədən çıxarıb

20 Dekabr 11:38

Bəyəndim (0) Bəyənmədim (0)

ABŞ İmmiqrasiya və Gömrük Mühafizəsi (ICE) başa çatan maliyyə ilində 270 mindən çox miqrantı deportasiya edib. Bu barədə idarənin hesabatında deyilir.

Sənədə əsasən, hesabat dövründə xidmət rəsmiləri 271 484 miqrantı 192 ölkədən deportasiya edib. Bu da 2023-cü ildəkindən (142 580 nəfər) təxminən iki dəfə çoxdur.

ABŞ-ın yeni seçilmiş prezidenti Donald Tramp ictimaiyyət qarşısında çıxışlarında dəfələrlə bildirib ki, o, inauqurasiyadan sonra Amerika tarixində qeyri-qanuni miqrantların deportasiyası üzrə ən böyük əməliyyatı həyata keçirmək niyyətindədir. Dekabrın 17-də Bloomberg xəbər verib ki, ilk mərhələdə Ağ Evin gələcək rəhbəri 1 milyon insanı ölkədən qovmağı planlaşdırır.

Miqrasiya böhranı ABŞ-da seçki kampaniyasının əsas problemlərindən birinə çevrilib. ABŞ-ın hazırkı prezidenti, demokrat Co Bayden 2025-ci il yanvarın 20-də dövlət başçısının səlahiyyətlərini Trampa təhvil verəcək.

Oxuməni.az