Finlandiya Rusiya ilə sərhədin bağlanması ilə bağlı AİHM-ə izahat verəcək

Finlandiya hökumətindən iyulun 7-dək Rusiya Federasiyası ilə sərhədin bağlanması ilə bağlı Avropa İnsan Hüquqları Məhkəməsinə (AİHM) izahat təqdim etməsi tələb olunur. Bu barədə TASS-ın müxbirinə məhkəmənin mətbuat xidməti məlumat verib.

"Finlandiya hökuməti tərəfindən dəqiqləşdirmələrin təqdim edilməsi üçün son tarix iyulun 7-də gecə yarısı başa çatır", - AİHM bildirib.

Ölkədə yaşayan 9 rus əsilli şəxs Finlandiya hökumətinin qərarından şikayət edib. İddia ərizəsində qeyd edilir ki, onlar Rusiya banklarına qarşı sanksiyalara görə pensiyalarını ala bilmirlər.

Aprelin 1-də Finlandiyanın Rusiya Federasiyası ilə sərhədin açılması ilə bağlı müzakirələrə 2025-ci ilin sonundan gec olmayaraq başlaya biləcəyi barədə məlumat yayılıb. Finlandiyalı jurnalistlər yazıblar ki, Avropa İttifaqı Rusiya Federasiyası ilə siyasi münasibətləri bərpa etsə, Finlandiya Rusiya ilə siyasi səviyyədə sərhəd danışıqlarını nəzərdən keçirə bilər.

Ertəsi gün məlum olub ki, Finlandiyada yaşayan 9 Rusiya vətəndaşı Rusiya ilə sərhədin bağlanmasının onların hüquqlarını pozduğunu hesab edərək, AİHM-ə şikayət edib. Bununla bağlı məhkəmə Helsinkidən açıqlama istəyib.

Əziz Mustafa, Oxuməni.az