Putin yaxın günlərdə Trampla danışmağı planlaşdırmır

4 Aprel 15:14

Bəyəndim (3) Bəyənmədim (0)

Kremlin mətbuat xidmətinin rəhbəri Dmitri Peskov jurnalistlərə bildirib ki, Rusiya prezidenti Vladimir Putinlə ABŞ prezidenti Donald Tramp arasında yaxın günlərdə telefon danışığı planlaşdırılmır. Daha əvvəl Avropanın “Politico” nəşri belə bir telefon danışığının bu gün baş tuta biləcəyini iddia etmişdi.

"Qrafikdə hələ heç nə yoxdur," - Dmitri Peskov jurnalistlərlə görüş zamanı bildirib.

Prezidentin mətbuat xidmətinin rəhbəri həmçinin “NBC”-nin cənab Trampın müşavirlərinin Moskva Ukraynada tam atəşkəs elan edənə qədər Rusiya prezidentinə zəng etməkdən çəkinməyi tövsiyə etməsi ilə bağlı xəbəri şərh etməyib. “İndi mətbuatda çoxlu saxtakarlıqlar, şayiələr, açıq-saçıq yalanlar dərc olunur”, - deyə mətbuat katibi bildirib. O əlavə edib ki, Rusiya və ABŞ Ukrayna böhranının həlli ilə bağlı daha əvvəl Vladimir Putinin səsləndirdiyi “nüanslar” barədə danışıqlar aparır.

Rusiya və ABŞ başçıları arasında ilk telefon danışığı fevralın 12-də olub.Cənab Putinlə Tramp arasında ikinci söhbət isə martın 18-də olub.

Almaz Həsənli