İran raketi Təl-Əviv nüvə tədqiqat mərkəzini vurub
İranın ballistik raketi Təl-Əviv nüvə tədqiqat mərkəzinə düşüb. Bu barədə “Əl-Mayadeen” telekanalı məlumat yayıb. Mərkəzə endirilən zərbə də videoya çəkilib - İsrail hava hücumundan müdafiə qüvvələrinin müqavimətinə baxmayaraq, raket 50 mərtəbəli binaya düşüb.
Eyni zamanda, Təl-Əviv dairəsinin komandiri İranın hücumlarından böyük ziyan dəydiyini bildirib. Qurbanların sayının nisbətən az olduğu dəqiqləşdirilir.
İyunun 13-də İsrail SEPAH-ın Tehrandakı qərargahına və İranın nüvə proqramının əsas obyektlərinə zərbələr endirib. SEPAH komandiri Hüseyn Salami və bir neçə nüvə alimi məhv edilib. İsrailin baş naziri Benyamin Netanyahu hücumun İranın nüvə infrastrukturuna qarşı yönəldiyini təsdiqləyib.
Bundan əvvəl Dövlət Duması bəyan etmişdi ki, Rusiya İran və İsrailin “özünü məhv etməsinə” imkan verməyəcək.
Əziz Mustafa
