Rusiyalılar “Whatsapp” və “Telegram”ın əvəzedicisini tapıblar

Rusiyada Telegram və WhatsApp-da səsli zənglərə tətbiq edilən məhdudiyyətlərdən sonra ruslar Google Meet-i aktiv şəkildə endirməyə başladılar — xidmət Rusiyanın App Store-da pulsuz rabitə proqramları reytinqində ikinci yerə yüksəldi. Bu barədə TASS məlumat yayıb.
“Sosial şəbəkələr” kateqoriyasında lider Rusiya hakimiyyəti tərəfindən təşviq edilən milli Max messenceridir. Üçüncü sıranı videozəng və mesajlaşma xidməti Imo, dördüncüsü isə Signal messenceri tutur.
Google Meet Google hesabının bütün sahiblərinə pulsuz audio və video zənglər etmək imkanı verir. İstifadəçilər qeyd edirlər ki, xidmətdə rabitə keyfiyyəti Telegram və WhatsApp-dan nəzərəçarpacaq dərəcədə yüksəkdir. Rəylərində bəziləri birbaşa olaraq Max messencerini quraşdırmamaq üçün Google Meet-i yüklədiklərini yazır.
Avqustun 13-də Roskomnadzor Telegram və WhatsApp-da zəng imkanlarını məhdudlaşdırıb. Departamentin bildirdiyinə görə, buna səbəb bu messencerlərin fırıldaqçılıq, qəsbkarlıq və “təxribat və terror fəaliyyətlərində” iştirak üçün əsas kanallara çevrildiyi iddia edilən “vətəndaşların çoxsaylı müraciətləri” olub.
Almaz Həsənli