Koreya Respublikası və ABŞ birgə hava qüvvələri təlimləri keçirir

Koreya Respublikası (KR) və ABŞ Hərbi Hava Qüvvələri Cənubi Koreya yarımadasında birgə Azadlıq Bayrağı təlimləri keçirir. Oxuməni.az xəbər verir ki, bu barədə KR Hərbi Hava Qüvvələrinin yaydığı məlumatda deyilir.

Təlimlər 26 oktyabr - 6 noyabr tarixlərində Kunsan Hava Bazasında keçirilir. Təlimlərdə Koreya Respublikası F-15K, KF-16 və F-35A qırıcı təyyarələri, eləcə də KC-330 hərbi nəqliyyat təyyarəsi və E-737 hava erkən xəbərdarlıq və idarəetmə təyyarəsi iştirak edir. Təlimlərə həmçinin Hərbi Hava Qüvvələri, Hərbi Dəniz Qüvvələri və Dəniz Piyadaları tərəfindən təmsil olunan Amerika tərəfi F-16 və F-35B qırıcı, RC-135 kəşfiyyat təyyarələri, MH-60S Seahawk helikopterləri və MQ-9 Reaper PUA-ları da cəlb edilib.

Yonhap agentliyinin məlumatına görə, Azadlıq Bayrağı təlimləri ildə iki dəfə keçirilir və iki ölkənin hərbi personalının birliyini və döyüş hazırlığını artırmaq, o cümlədən müdafiə hərəkətləri və düşmən təyyarələrini ələ keçirmək üçün nəzərdə tutulub. Agentliyin məlumatına görə, pilotların təlimlər zamanı təcrübə mübadiləsi aparması gözlənilir.

19-30 oktyabr tarixlərində Koreya Respublikası Silahlı Qüvvələri illik genişmiqyaslı Hoquk təlimlərini keçirir. Əvvəllər hərbçilər çay keçidlərini məşq edirdilər, Koreya Respublikası Dəniz Piyadaları isə Sarı dənizdəki sərhəd adalarında təlim keçirirdilər. Təlimlərə həmçinin Koreya yarımadasında tammiqyaslı münaqişə ssenarisində əks-artilleriya əks tədbirləri də daxil idi.

Əziz MUSTAFA