Tramp Venesuelada Maduro rejimini devirmək üçün əməliyyat hazırlayır

ABŞ Venesuelada narkotik ticarəti ilə mübarizə adı altında diktator Nikolas Maduronun rejimini devirməyə cəhd edə bilər. Vaşinqton artıq onun tutulmasına kömək üçün 50 milyon dollar vəd edib.

Bu barədə “Axios” xəbər verir. Nəşrin məlumatına görə, ABŞ artıq Venesuela sahillərinə 4500 hərbçi ilə yeddi gəmi göndərib. Gəmilər arasında idarə olunan raketləri daşıyan üç esmines var. Ən azı bir sualtı qayıq da Venesuela sahillərinə köçürülüb.

Axios-un məlumatına görə, ABŞ prezidenti Donald Trampın ən yaxın müşavirləri belə, əsgərləri olan gəmilərin narkotik vasitələrin qanunsuz dövriyyəsi ilə mübarizə əməliyyatı çərçivəsində Venesuelaya köçürüldüyünə əmin deyillər. Onlar Karakasda hökuməti devirmək üçün əməliyyat keçirmək istəyirlər.

Xüsusilə, Ağ Evin mətbuat katibi Carolyn Levitt artıq missiyanın qeyri-müəyyənliyinə eyham vuraraq qeyd edib ki, ABŞ Maduronu Venesuelanın qanuni prezidenti deyil, narkotik kartelinin “qaçaq lideri” hesab edir.

Tramp administrasiyasının adının açıqlanmasını istəməyən nümayəndəsi jurnalistlərə deyib: “Bu, 105% narkoterrorizmlə bağlıdır, lakin Maduro artıq hakimiyyətdə olmasa, heç kim ağlamaz”.

Əziz Mustafa