Tramp Ukraynaya kimin zəmanət verəcəyini açıqlayıb
ABŞ prezidenti Donald Tramp Ukraynada təhlükəsizlik zəmanəti çərçivəsində Amerika hərbçilərinin olmayacağını təsdiqləyib. Avropa hərbi mövcudluğu təmin edəcək - lakin Vaşinqtonun köməyi ilə.
Bu barədə Tramp Daily Caller-ə müsahibəsində bəyan edib.
Jurnalistin Amerika hərbçilərinin müharibə bitdikdən sonra Ukraynada olub-olmayacağı ilə bağlı sualına cavab olaraq Tramp “yox” deyib.
Bununla belə, ABŞ prezidenti ABŞ-ın Ukraynaya zəmanət verməkdə Avropa ölkələrinə yardım etməyi planlaşdırdığını istisna etməyib. O cümlədən hava dəstəyi.
"Biz nəsə edə bilərdik... Əgər mən müharibəni dayandıra bilsəydim bu, əsasən avropalıların xeyrinə olardı, biz onlara kömək edərdik. Onların, bilirsiniz, müəyyən dərəcədə buna ehtiyacı var və nəsə edə bilsəydik, onlara kömək edərdik", - Tramp deyib.
Prezident həmçinin etiraf edib ki, Ukraynaya təhlükəsizlik zəmanəti vermədən bunu etmək mümkün deyil. Amma o, təkrar etdi ki, bunu Avropa ölkələri özləri təmin edəcək.
Əziz Mustafa
