Teleaparıcı Bonya fahişəlik ittihamı ilə Lepsin nişanlısı Kibanı məhkəməyə verib

11:32

Bəyəndim (2) Bəyənmədim (0)

Tanınmış rusiyalı bloger və teleaparıcı Viktoriya Bonya müğənni Qriqori Lepsin 19 yaşlı nişanlısı Avrora Kibanı məhkəməyə verib. Bu barədə Moskva Ümumi Yurisdiksiya Məhkəmələri portalının məlumatında deyilir. Bonya avqust ayında Kuzminski Rayon Məhkəməsinə iddia qaldırıb. Məhkəmə prosesi dekabrın 8-nə təyin edib.

Mash-ın Telegram-da verdiyi xəbərə görə, teleaparıcı Kiba daha əvvəl onu fahişəlikdə ittiham etdiyi üçün məhkəməyə müraciət edib. Bonya şərəf və ləyaqətin böhtanı ilə bağlı məhkəməyə müraciət edir. Vəkilinin sözlərinə görə, o, Lepsin sevgilisindən ictimaiyyət qarşısında üzr istəməsini tələb edir.

İyul ayında Bonya "Şər dillər" verilişində Kibanın böyük borclarına görə ailəsinin onu Lepslə evləndirmək qərarına gəldiyinə eyham vurmuşdu. Kiba cavab olaraq teleaparıcını böhtan atmaqda ittiham edərək, həmçinin Bonyanı keçmişdə "bədənini evli kişilərə üç min avroya satmaqda" ittiham edib.

Əziz MUSTAFA