Slovakiya məhkəməsi baş nazir Robert Fitsonu güllələyən şəxsə 21 il həbs cəzası verib

Slovakiyanın Banska Bystrica şəhərinin məhkəməsi baş nazir Robert Fitsonu güllələməkdə təqsirli bilinən 72 yaşlı yazıçı Juraj Cintulanı 21 il həbs cəzasına məhkum edib. Bu barədə Reuters xəbər verir.

Cintula terror aktı törətməkdə təqsirli bilinib. Müdafiə tərəfi işin dövlət məmuruna hücum kimi tövsif edilməsini xahiş edib ki, bu da daha yüngül cəza demək olardı.

Təqsirləndirilən şəxs özü bildirib ki, o, Fitsonu öldürmək niyyətində deyil, daha çox baş nazir postunu tuta bilməməsi üçün onun sağlamlığına zərər vermək niyyətində olub. O, hərəkətlərini Fitsonun siyasətinə olan nifrətini ittiham etməklə izah edib.

Fitso 2023-cü ilin oktyabr ayından Slovakiyanın baş naziri vəzifəsini icra edir. 15 may 2024-cü ildə Juraj Cintula Handlovada Nazirlər Kabinetinin iclasından sonra Fitsoya beş dəfə atəş açıb. Cintula hadisə yerində saxlanılıb, Fitso isə ağır vəziyyətdə xəstəxanaya yerləşdirilib, axşam saatlarında vəziyyəti stabilləşib. Fitso mayın sonunda xəstəxanadan buraxılıb.

Əziz MUSTAFA