Tacikistandakı Dehdal buzlağı anormal istilər səbəbindən çökür

12:23

Bəyəndim (0) Bəyənmədim (0)

Hidrometeorologiya Agentliyinin mütəxəssisləri Tacikabad rayonundakı Dehdal buzlağının hərəkətini isti yay və uzun müddət yağıntı olmaması ilə əlaqələndiriblər.

31 oktyabrda Tacikistan hökumətinin Ətraf Mühitin Mühafizəsi Komitəsinin Hidrometeorologiya Agentliyində keçirilən mətbuat konfransında mütəxəssislər Tacikabad rayonunun Safedob kəndi yaxınlığında yerləşən Dehdal (Didal) buzlağının son hərəkətinin səbəblərini izah ediblər.

Agentliyin Buzlaqologiya Mərkəzinin məlumatına görə, bu ilin 25 oktyabrında yaxınlıqdakı kənd sakinlərinin şahidi olduğu 1500 metr uzunluğunda və təxminən 50 metr hündürlüyündə böyük bir buz kütləsi qeydə alınıb. Fövqəladə Hallar Komitəsinin məlumatına görə, heç bir itki və ya ziyan yoxdur və vəziyyət nəzarət altındadır.

Mütəxəssislərin fikrincə, buzlaq təxminən 15 dəqiqə ərzində 5 kilometrdən çox sürüşüb.

"Bu fenomenin əsas səbəbi atmosfer temperaturunun artması və uzun müddət yağıntının olmaması olub. Bu şərtlər buzlağın intensiv əriməsinə və su balansının dəyişməsinə səbəb olub", - Hidrometeorologiya Agentliyi qeyd edib.

Əziz Mustafa