Azərbaycan Gürcüstandan avtomobil alışını azaldır

Gürcüstandan Azərbaycana avtomobil tədarükü 2026-cı ilin yanvar-iyul aylarında kəmiyyət ifadəsində 38%, dəyər ifadəsində isə 26% azalıb. Oxuməni. az xəbər verir ki, bu barədə Gürcüstanın Milli Statistika Xidmətinin (Sakstat) məlumatlarında qeyd olunub.

Cari 2026-cı ilin əvvəlindən Gürcüstan Azərbaycana 105,6 milyon dollar dəyərində 3153 avtomobil ixrac edib. Buna baxmayaraq, "Sputnik Georgia"nın məlumatına görə, Azərbaycan hələ də Gürcüstan avtomobillərini alan ölkələr arasında dördüncü yerdə qalır.

Son zamanlar Gürcüstandan avtomobil ixracı sahəsi ən yaxşı dövrünü yaşamır. Cari 2026-cı ilin 7 ayı ərzində ölkə xaricə 1,161 milyard dollar dəyərində 48 314 avtomobil satıb ki, bu da ötən ilin eyni dövrü ilə müqayisədə kəmiyyət baxımından təxminən dörddə bir (22%), dəyər baxımından isə 20% azdır.

Ötən 2025-ci ildə Gürcüstan 2,8 milyard dollar dəyərində 111 265 avtomobil ixrac edib və əsas satış bazarları qonşu və tranzit ölkələr olub. Təkcə Azərbaycan 213 milyon dollara 7814 gürcü avtomobili alıb.

Azərbaycanda avtotexnika alışının azalması aydın müşahidə olunan bir tendensiyadır: görünür, ölkə bazarı artıq dolub. Belə ki, məlumatda qeyd olunur ki, Azərbaycan 2026-cı ilin yanvar-iyul aylarında 807,4 milyon dollar dəyərində 41 105 avtomobil idxal edib ki, bu da ötən 2025-ci ilin müvafiq dövrü ilə müqayisədə kəmiyyət baxımından təxminən üçdə bir (31,05%), dəyər baxımından isə 35,17% azdır.

Almaz Həsənli