Tarixin ən böyük quldurluğu

2003-cü il martın 18-də İraq Mərkəzi Bankında baş vermiş soyğun, bütün zamanların ən böyük quldurluğu kimi tanınır. Daha maraqlısı odur ki, bu quldurluğu ölkənin diktator hökmdarı Səddam Hüseyn həyata keçirib. 18 mart 2003-cü ildə saat 04:00-da İraq Mərkəzi Bankının qarşısında üç yük maşını dayandı və onlar bütün ölkənin valyuta ehtiyatlarının dörddə birini götürərək qaçdılar. Təxminən bir milyard dolların qaçaqmalçılıq yolu ilə ələ keçirildiyi bu soyğuna Səddam Hüseynin oğlu Qusay Hüseyn rəhbərlik edirdi. Əslində, bu inanılmaz quldurluğu inanılmaz edən bir çox detal var.

Əvvəla, 2003-cü il martın 18-i ABŞ-ın İraqı işğal etməsindən düz bir gün əvvəl idi. Dünya şöhrətli diktator Səddam Hüseyn Amerikanın bu addımını qabaqcadan öyrəndi və bilirdi ki, hava müharibəsi başlayandan sonra o, ölkə daxilində istədiyi kimi hərəkət edə bilməyəcək. İşlərin onun üçün nə qədər çətin ola biləcəyini anladıqdan sonra oğlu Qusay Hüseyni razı saldı və İraq Mərkəzi Bankı qarət olundu.

Qusay Hüseyn atasının əlyazması ilə Bağdaddakı İraq Mərkəzi Bankına gəlib və 900 milyon ABŞ dollarının çıxarılmasını və ölkə kassasından azad edilməsini əmr edib. Pullar bankın qarşısına çəkilən yük maşınlarına qoyulub və soyğunçular çıxıb gedib. Bunun qeyri-qanuni olub-olmadığı da məlum deyildi, çünki Səddam Hüseyn ölkə hökumətinə birbaşa nəzarət edən diktator idi. Sonrakı günlərdə Koalisiya qüvvələri Mərkəzi Bankdan alınan təxmini 650 milyon dolları tapmağa müvəffəq olub. Pul Səddam Hüseynin digər oğlu Udeyin saraylarından birində ələ keçirilib.

Murad Şahməmmədov