60 min nəfər QİÇS-ə yoluxub

60 min nəfər QİÇS-ə yoluxub

2 Dekabr 2019 10:47
Bəyəndim (2) Bəyənmədim (0)

İranda indiyədək 60 min nəfərin QİÇS virusuna yoluxduğu deyilir.

Oxumeni.az-ın məlumatına görə, bunu İranın səhiyyə nazirinin müavini Əlirza Rəisi İranın Səhiyyə Nazirliyində Ümumdünya QİÇS-lə Mübarizə Günü ərəfəsində keçirilən tədbirdə deyib.

Ə.Rəisinin sözlərinə görə, QİÇS virusu müəyyənləşən 40,5 min nəfərin təxminən 18,9 mini dünyasını dəyişib.

Nazir müavini əlavə edib ki, QİÇS virusu müəyyənləşənlərin 82%-i kişi, 18%-i qadındır:

“QİÇS-ə yoluxma hallarının 60%-i şpris, 22%-i cinsi əlaqə, 1,7%-i anadan körpəyə nəql olunmasına aiddir”.

Ə.Rəisi əlavə edib ki, ötən il yarım ərzində şprislə yoluxma halı 31% azalıb, cinsi əlaqə ilə yoluxma halı 48,4% artıb.

© Materiallardan istifadə edərkən hiperlinklə istinad olunmalıdır

Oxumeni.az