Respublika Perinatal Mərkəzində baş verən yanğın 35 kvadratmetr sahəni əhatə edib
Fövqəladə Hallar Nazirliyinin "112" qaynar telefon xəttinə Bakı şəhəri, Xətai rayonu, Yusif Səfərov küçəsində yerləşən Respublika Perinatal Mərkəzində yanğın olması barədə ilkin məlumat daxil olub. Məlumatla əlaqədar nazirliyin müvafiq xilasetmə qüvvələri çağırış üzrə cəlb olunublar. Yanğın Fövqəladə Hallar Nazirliyinin yanğından mühafizə bölmələri tərəfindən qısa vaxtda söndürülüb.
AZƏRTAC xəbər verir ki, bu barədə FHN-in Dövlət Yanğından Mühafizə Xidmətinin rəis müavini, polkovnik Rza Xudiyev məlumat verib.
Onun sözlərinə görə, yanğın Respublika Perinatal Mərkəzinin dördüncü mərtəbəsində baş verib. Yanğın bir otaqda 35 kvadratmetr sahəni əhatə edib. Binanın dörd və üçüncü mərtəbələrindəki pasiyentlər və personal təxliyə olunub.
Vurğulanıb ki, hadisənin ilkin səbəbi hələlik bəlli deyil. Hazırda araşdırmalar aparılır.
Oxuməni.az
.jpg)
