Erkan Petekkaya: "Nurgül Yeşilçay əxlaqızlıqları üzündən serialdan qovulub"

Mediainfo.az xəbər verir ki, "Paramparça" serialının baş qəhrəmanı olmuş Nurgül Yeşilçayla Erkan Petekkaya arasında baş verən qalmaqal səngimək bilmir.

"Gülseren" rolunun səsli-küylü ifaçısı olmuş Nurgülün, "mənim adımdan istifadə etməklə reklam olundular, reytinq toplaya bildilər. Mən serialı tərk etdim, reytinq əməlli-başlı düşdü. Serialı qurtarmaq üçün Erkanın kimisə ləkələməsi lazım idi, o da mən oldum" deməsi Erkan bəyin əsəblərini tarıma çəkib. Aktyor bir neçə bölüm əvvəl serialı tərk etmiş eks tərəf müqabilinin sirrini açıb töküb:

- Nə içdiyi bəlli olmayan qadın, zavallı! Nurgül Yeşilçay əxlaqızlıqları üzündən serialdan qovulub. Sonradan hörmətli şəxslərin vasitəsilə xəbər yolladı ki, Erkandan da, şirkətdən də üzr istəyirəm, məni bağışlasınlar. O qadın bir övlad sahibidir deyə, bir ildir onun əxlaqsızlıqlarına göz yumduq.

Xatırladaq ki, Nurgül tərəf müqabili olmuş Erkan üçün, "sən kişiliyini mənim qadınlığım üstündə taclandıra bilməzsən!" demişdi. Əvəzində isə əks tərəfdən, "qadın şiddətinə məruz qalan bir kişiyəm" cavabını almışdı.

Banu