Gürcüstan hökuməti gürcü “UFC” çempionlarına bir milyon lari vermək qərarına gəlib

Həm Merab Dvalişviliyə, həm də Gürcüstana ilk “UFC” çempionu titulunu qazandıran İlya Topuriyaya hər birinə bir milyon lari (630 000 manat) məbləğində pul mükafatı ödəməyə qərar verdik, bu barədə Gürcüstanın baş naziri İrakli Kobaxidzenin bəyanatında deyilir.

Gürcüstanın baş naziri İrakli Kobaxidzenin sözlərinə görə, gürcü idmançılarının idman uğurları və qələbələri “düzgün qiymətləndirməyə ehtiyac duyur”.

“Gürcüstan idmançıları müxtəlif idman növlərində görünməmiş uğurlara imza atırlar, bunun ən son nümunəsi Merab Dvalişvilinin “UFC” çempionu titulunu qazanmasıdır. Bu gün səkkiz hazırkı “UFC” çempionundan ikisi gürcülərdir ki, bu da gürcülərin döyüş ruhunu ən yaxşı şəkildə əks etdirir. Hər bir gürcü üçün xüsusi qürur mənbəyi olan 4 milyon əhalisi olan Gürcüstanla birlikdə belə nəticə yalnız 200 milyon əhalisi olan Braziliyada var”, - Kobaxidze qeyd edib.

Baş nazir xatırladıb ki, Topuriya oktyabrın 26-da yüngül çəkidə çempionluq kəmərini qoruyacaq. Onun rəqibi keçmiş çempion Maks Hollouey olacaq.

“26 bizim günümüzdür və inanırıq ki, 26 oktyabrda İlya bizə daha bir qələbə bəxş edəcək!”,-baş nazir qeyd edib.

Xatırladaq ki, sentyabrın 29-da Merab Dvalişvili Gürcüstana gələrək gürcü azarkeşləri ilə görüşüb.

Almaz Həsənli