UEFA Avropa Liqası: "Qarabağ" - "Lion"

Bu gün, UEFA Avropa Liqasının ümumi mərhələsinin beşinci turu çərçivəsində Azərbaycan təmsilçisi “Qarabağ” futbol klubu Fransanın "Lion" klubunu qəbul edəcək.
Bu, "Qarabağ"ın doğma divarlar arasında keçirdiyi üçüncü oyunu olacaq. Əvvəlki 4 görüşdə üç xal toplayan “Qarabağ” Fransa klubu ilə görüşdə azarkeşlərini sevindirməyə çalışacaq.
Matçı Nenad Minakoviçin başçılıq etdiyi Serbiyadan olan hakimlər briqadası idarə edəcək.
Start fiti Bakı vaxtı ilə saat 21:45-də səslənəcək "Qarabağ" - "Lion" görüşməsi Tofiq Bəhramov adına Respublika stadionunda keçiriləcəkdir.
Avropa Liqasının bu mərhələsində "Qarabağ" bundan öncəki üç oyunda məğlub olub və axırıncı turda, səfərdə Norveçin "Bodo Qlimt" komandasına 2:1 hesabı ilə qalib gəlməyi bacarıb.
Qeyd edək ki, növbəti oyununu dekabrın 12-də keçirəcək “Qarabağ” İsveçdə “Elfsborq”la üz-üzə gələcək.
Xatırladaq ki, ağdamlılar hazırda Avropa Liqasının turnir cədvəlində 3 xalla 29-cu, "Lion" isə 7 xalla 9-cu pillədə qərarlaşıb.

Almaz Həsənli