2026-cı il futbol üzrə Dünya Çempionatında fasilələr 20 dəqiqəyə qədər artırıla bilər

Beynəlxalq Peşəkar Futbolçular Assosiasiyaları Federasiyası (FIFPro) 2026-cı il futbol üzrə dünya çempionatında fasilələrin artırılmasını təklif edib, “Reuters” xəbər verir.
Mənbənin sözlərinə görə, təklif olunan artım 15 dəqiqədən 20 dəqiqəyə qədərdir.
Oxuməni.az -ın “Reuters”-ə istinadən verdiyi xəbərə görə, FIFPro həmçinin sərinlənmə üçün nəzərdə tutulan fasilələrin sayının artırılması variantına baxmağı təklif edib. Təşkilatın tibbi direktoru Vensan Quttebarj hesab edir ki, futbolçuların su içə biləcəyi fasilələr indikindən daha çox olmalıdır.
"30 və 75-ci dəqiqələrdə sərinlənmə fasilələri olduqca ənənəvidir, lakin fizioloji nöqteyi-nəzərdən onların mənası yoxdur,- Quttebarj bildirib. -Ona görə də, mən mütləq daha tez-tez, lakin daha qısa sərinlənmə fasilələrinin effektivliyini hesab etdiyimiz bir layihə görmək istərdim - hər hissədə bir dəfə deyil, hər 15 dəqiqədən bir."
2026-cı il dünya çempionatı ABŞ, Kanada və Meksikada keçiriləcək. 16 şəhərdən doqquzunda "isti ilə bağlı xəstəliklər üçün son dərəcə riskli" hesab edilən şərtlər var.
Atlanta, Boston, Dallas, Qvadalaxara, Hyuston, Kanzas Siti, Mayami, Monterrey və Filadelfiyada təhlükəli isti və rütubətin olacağı gözlənilir ki, bu da oyunçular üçün təhlükəsizlik problemləri yaradacaq.
FIFPro qaydalarına əsasən, 28 dərəcə Selsidən yuxarı temperatur oyunçuların sağlamlığını qorumaq üçün matçların təxirə salınmalı və ya başqa vaxta keçirilməli olduğu şərtləri göstərir.
2026-cı il Dünya Kubokunda 48 komanda iştirak edəcək. FIFPro-nun mümkün dəyişikliklərlə bağlı tövsiyələri iyunun 14-dən iyulun 13-dək ABŞ-da keçiriləcək Klublararası Dünya Çempionatı zamanı aparılan müşahidələrə əsaslanır.
Almaz Həsənli