Avropada dəhşətli soyuqlar, Şimal Qütbündə istidir

28 Fevral 2018 14:16

Bəyəndim (0) Bəyənmədim (0)

"Şərq Canavarı" soyuq hava kütləsinin Avropanı öz təsiri altına aldığı bir dövrdə Şimal Qütbündə temperatur kəskin yüksəlib.

Qaynarinfo xarici mediaya istinadən xəbər verir ki, İtaliyanın paytaxtı Romada 6 il sonra qar yağıb. İngiltərədə son 27 ilin ən soyuq qışı müşahidə edilir. Polşada noyabrdan bəri 53 nəfər soyuqdan donaraq ölüb. Bu həftə ərzində Avropada azı 7 nəfər soyuq səbəbilə həyatını itirib.

Şimal Qütbündə isə temperatur -30 dərəcədən -5 dərəcəyə yüksəlib. Qrenlandiyada isə istilik son iki gündə sıfır dərəcədən yuxarı qalxıb.

Alimlər bildirir ki, bu vəziyyət 2016-cı ildə də müşahidə edilib. Berinq dənizindəki buz kütlələri əriyərək ən aşağı səviyyəyə çatıb.