“Böyük olsaydım, mən Putini öldürərdim” - Ukraynalı uşaqlar televiziyada

Özünün «Yanina Sokolova ilə axşam» verilişində ukraynalı teleaparıcı Yanina Sokolova efirə bir neçə kiçik yaşlı Ukrayna vətəndaşını dəvət edib - Dadina adlı qızı və özünün oğulları Nikolay və Mironu.

Oxuməni.az xəbər verir ki, Sokolova özünəməxsus maraqla uşaqlara Rusiya və Ukrayna ilə bağlı bəzi siyasi suallar verib. Darina aparıcının «Putin kimdir» sualına cavab verib: «Rusiyanın prezidenti». Sokolova Darinanı Vladimir Putin «Ukraynanın düşmənidir», «Rusiya isə Ukrayna ilə müharibə aparır» cavabları ətrafında xeyli «fırladıb».

«Sən necə düşünürsən, Ukrayna Putinin öhdəsindən necə gələcək? Hansısa sxem varmı?» - Sokolova Darinaya sual verib.

Qız bir qədər fikirləşib, uşaq hazırcavablığı ilə cavab verib: «Hesab edirəm, gözləmək lazımdır ki, Putin ölsün»,

Sokolova isə Darinanı cavaba görə tərifləyib.

Sokolovanın oğlu Miron Putini «Ukraynanı partlatmaq istəyən qorxulu Rusiya prezidenti” adlandırıb və deyib ki, görünür, Ukraynanın Ukayna dilində danışması onun xoşuna gəlmir».

«Əgər mən böyük və suergüclü olsaydım, onu öldürərdim» - Miron deyib.