Qərb Ukraynanın Hollandiyadan F-16 aldığını bildirib

1 Avqust 10:17

Bəyəndim (0) Bəyənmədim (0)

Ukrayna Silahlı Qüvvələri (AFU) Hollandiyadan 6 ədəd F-16 qırıcısı alıb. Bu barədə “The Times” yazır.

Qeyd olunur ki, Ukrayna tezliklə bu dəfə Danimarkadan yeni qırıcı partiyası alacaq.

Avqustun 1-də “The Daily Telegraph” yazıb ki, Ukrayna Silahlı Qüvvələri artıq F-16 qırıcılarını hava hücumundan müdafiə sistemi kimi yerləşdirib.

İyulun 31-də axşam Ukrayna prezidentinin aparatının rəhbərinin müşaviri Mixail Podolyak bildirib ki, Ukrayna hakimiyyəti Qərbdən F-16 qırıcılarının gəlməsini rəsmən təsdiqləmək niyyətində deyil.

Bundan əvvəl fransalı hərbi ekspert Ukraynanın Qərbin tədarük etdiyi F-16 təyyarələrindən iki aviasiya qrupu yarada biləcəyini irəli sürmüşdü.

İyulun 31-də Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib ki, Ukrayna Silahlı Qüvvələri NATO-dan alınan F-16 qırıcılarından yayın sonuna kimi istifadə etməyə başlaya bilər.

Oxuməni.az