Keçmiş agent: Xüsusi xidmət orqanları ehtiyacı olanları pulla casusluğa cəlb ediblər

Keçmiş Mərkəzi Kəşfiyyat İdarəsinin əməkdaşı Cim Olson Soyuq Müharibə dövründə Moskvada casusları necə işə götürdüyündən danışıb. Bu barədə Britaniyanın Daily Mail qəzeti yazır.

Olson qeyd etdi ki, işə qəbul zamanı insana həqiqətən ehtiyac duyduğu şeyi vermək lazımdır. O, işə götürülənlərin ehtiyacları ödənildiyi təqdirdə həyatlarını riskə atacaqlarını vurğulayıb.

Olsonun fikrincə, işləmək üçün ən asan insanlar sadəcə pul qazanmaq istəyənlər olub. Amma başqa motivli insanlar da var idi. Kimisi sovet siyasi rejiminə nifrət edirdi, kiminin ancaq ABŞ-da sağalması mümkün olan xəstə qohumları var idi, kimisi isə xaricdə təhsil almaq arzusunda idi.

Keçmiş MKİ agenti deyib ki, prinsipcə o, insanları onların iradəsinə zidd olaraq ABŞ üçün işləməyə məcbur etmək istəmir və cinsi təxribatlardan istifadə etmir, çünki belə bir üsul kifayət qədər etibarlı deyildir. Olson, işə götürülən agentlər ifşa edildikdə səmimi şəkildə narahat olduğunu və bunun qarşısını almağa çalışdığını söylədi.

Oxuməni.az