Texasda məzun gecəsinə silahli hücum edilib, iki nəfər ölüb – VİDEO

28 Oktyabr 2019 16:55

Bəyəndim (0) Bəyənmədim (0)

ABŞ-ın Texas ştatının Kommers şəhərində baş verən silahlı insident zamanı iki nəfər ölüb.

Oxumeni.az xəbər verir ki, bu barədə “Fox News” məlumat yayıb. Qeyd olunub ki, insident nəticəsində 10-dan çox şəxs yaralanıb.

Faciə “Texas A&M” Universitetinin(Texas A&M Commerce University) filialının məzunlarının iştirakı ilə keçirilən məzun gecəsində baş verib.

Yerli “WFAA” telekanalının müxbiri Ceyms Uaytli özünün “Twitter” səhifəsində bildirib ki, silahlı insdient nəticəsində yaralanan şəxslər xəstəxanaya aparılıb. Onun sözlərinə görə, tədbirdə yüzlərlə insan iştirak edib ki, onların da çoxu tələbə olub.

Lakin tədbir universitet rəhbərliyi ilə razılaşdırılmayıb və gecə klubunda keçirilib. Müxbir əlavə edib ki, hazırda cinayəti törədən şəxs azadlıqdadır.

Şahid olduğunuz hadisələrin video və ya fotosunu çəkərək bizə göndərin:
(055)7717799(Whatsapp)