Şimali Koreyanın buraxdığı raketlər 380 kilometr uçub
Koreya Xalq Demokratik Respublikası (KXDR) noyabrın 28-də nəhəng buraxıcı qurğudan buraxdığı 2 raket maksimum 97 kilometr hündürlükdə təxminən 380 kilometr uçub.
Oxumeni.az Cənubi Koreya silahlı qüvvələrinin baş qərargahının məlumatına istinadla xəbər verir ki, raketlər yerli vaxtla 16:59-da Cənubi Hamqon vilayətindən 30 saniyə interval ilə şərq istiqamətində buraxılıb. Güman olunur ki, bu, 600 millimetr diametri olan nəhəng buraxıcı qurğu vasitəsilə həyata keçirilən 4-cü raket sınağıdır. Bundan əvvəl avqust, sentyabr və oktyabr aylarında eyni qurğudan raketlər buraxılmışdı.
© Materiallardan istifadə edərkən hiperlinklə istinad olunmalıdır
Oxumeni.az
Digər xəbərlər