Vyanada bazarda törədilən terror aktı ilə bağlı Avstriyada bir əfqan saxlanılıb

28 Dekabr 08:45

Bəyəndim (0) Bəyənmədim (0)

Dekabrın əvvəlindən Avstriyanın Zalsburq şəhərinin polisi “İslam Dövləti” (İŞİD) terror qruplaşması adından Vyanada Milad bazarında terror aktı hazırlayan 21 yaşlı əfqan gənci həbs edib. Bu barədə Salzburger Nachrichten qəzeti məlumat yayıb.

Nəşrin məlumatına görə, şübhəli şəxs polisə və Milad bazarlarına hücum planlaşdırmaqda ittiham olunur. Mümkün terror aktının dəqiq yeri müəyyən edilməyib, lakin nəşr göstərir ki, Avstriyanın paytaxtının adı daim Əfqanıstanın İslam Dövləti üzvləri ilə dialoqlarında hallanır. Müstəntiqlərin fikrincə, o, istənilən vaxt terror qruplaşmasından dəqiq göstərişlər almağa hazır olub.

Salzburg24 portalının məlumatına görə, əfqan özünün TikTok kanalında İŞİD-in fəaliyyətini təbliğ edib və qrupun internetdəki bir neçə forumunda fəal olub. İlk dindirilmələr zamanı o, İslam Dövləti ilə əlaqəsini etiraf edib və təsdiqləyib.

Oxuməni.az