ABŞ və İran İsraillə eskalasiya fonunda birbaşa danışıqlar aparır

10:18

Bəyəndim (1) Bəyənmədim (0)

ABŞ prezidentinin xüsusi nümayəndəsi Stiv Vitkoff və İranın xarici işlər naziri Abbas Araqçi bir neçə dəfə telefon danışığı aparıblar. Onlar İran və İsrail arasındakı münaqişənin diplomatik yolla həllini müzakirə ediblər. Bu barədə “Reuters” xəbər verir.

Adı açıqlanmayan diplomatlar nəşrə bildiriblər ki, Araqçi danışıqlar zamanı Witkoffa xəbərdarlıq edib ki, İsrail iyunun 13-də başlayan hücumları dayandırmayınca Tehran danışıqlara qayıtmayacaq.

Danışıqlarda həmçinin ABŞ-ın İrandan kənarda uranın zənginləşdirilməsi üçün regional konsorsium yaratmaq təklifi də qısa şəkildə müzakirə edilib, lakin Tehran bu təklifi indiyədək rədd edib, Reuters mənbələri bildirib.

Tehrana yaxın olan adı açıqlanmayan regional diplomat deyib ki, Araqçi Witkoffa Vaşinqtonun müharibəni dayandırması üçün İsrailə təzyiq göstərəcəyi təqdirdə Tehranın “nüvə məsələsində çevik ola biləcəyini” çatdırıb.

Əziz Mustafa , Oxuməni.az