Pensilvaniyadakı ABŞ Polad Zavodunda partlayış baş verib

ABŞ-ın Pensilvaniya ştatındakı US Steel zavodunda partlayış baş verib. Bu barədə CBS News məlumat yayıb. Partlayış nəticəsində bir neçə nəfər yaralanıb.

"Partlayış 13/15 akkumulyatorunun "əks kamerasında" baş verib. Kamera sobada kömürün vahid bişməsini təmin edən mexaniki tənzimləyici rolunu oynayır", - məlumatda deyilir.

Pensilvaniya qubernatoru Coş Şapiro X sosial şəbəkəsində onun administrasiyasının Clairton səlahiyyətliləri ilə əlaqə saxladığını söylədi. O qeyd edib ki, hadisə yerində artıq fövqəladə hallar xidmətləri və dövlət polisi işləyir.

US Steel Amerika polad şirkətidir. 2024-cü ilə qədər ABŞ-da üçüncü, dünyada isə 29-cu ən böyük təşkilat idi. 2025-ci ilin iyun ayında şirkət Yaponiyanın Nippon Steel şirkəti tərəfindən alınıb.

İyul ayında Hollandiyanın Borculo şəhərindəki FrieslandCampina zavodunda yük maşınının içərisindəki təhlükəli maddələr arasında kimyəvi reaksiyadan sonra partlayış baş verib. Daha sonra ərazidə dəri və tənəffüs yollarının qıcıqlanmasına səbəb ola biləcək narıncı zəhərli bulud peyda oldu.

Əziz MUSTAFA