Zelenski bu cümə günü Trampla görüşəcəyini təsdiqləyib

Prezident Vladimir Zelenski ABŞ prezidenti Donald Trampla görüşünü təsdiqləyib.

Zelenski bu barədə Aİ-nin ali nümayəndəsi Kaja Kallas ilə birgə mətbuat konfransı zamanı bildirib.

"Mən bu həftə Vaşinqtonda prezident Trampla görüşəcəyəm. Düşünürəm ki, prezidentə təklif etmək istədiyim addımların ardıcıllığını müzakirə etməliyik", - Zelenski bildirib.

O, bu cümə, oktyabrın 17-də Vaşinqtona gedə biləcəyinə ümid edir.

"Mənim üçün vacib olan başqa görüşlərim də var. Bəzi hərbi şirkətlər vacibdir. Bu barədə təfərrüatları bölüşə bilmərəm", - prezident deyib.

O, həmçinin senatorlar və konqresmenlərlə görüşlərinin planlaşdırıldığını bildirib.

"Əsas mövzu hava hücumundan müdafiədir. Yeri gəlmişkən, mən enerji şirkətləri ilə də görüşəcəyəm. Bu, lazım idi; bu, cənab Prezidentin təklifi idi. Mən müəyyən şirkətlərlə görüşəcəyəm, çünki indi müxtəlif formatlarda ehtiyac duyulan xüsusi ehtiyaclar var. Əsas mövzular hava hücumundan müdafiə və Rusiyaya təzyiq göstərmək üçün uzaq məsafəli imkanlarımızdır", - prezident vurğulayıb.

Əziz Mustafa