ABŞ qanunsuz immiqrantların həbs və deportasiya nisbətini artırmaq niyyətindədir
ABŞ prezident administrasiyası ölkə daxilində qanunsuz immiqrantların həbs və deportasiya nisbətini əhəmiyyətli dərəcədə artırmaq niyyətindədir.
Bu barədə Daxili Təhlükəsizlik Katibinin köməkçisi Trisiya Maklaflin Fox News-a bildirib.
"Hələ görüləsi çox işimiz var. ABŞ Prezidenti Donald Trampın büdcəsindəki "böyük, gözəl qanun layihəsi" nəzərə alınmaqla, bu həbsləri [qeyri-qanuni immiqrantların] sayını həqiqətən artırmaq istəyirik ki, bu da bizə bunun üçün vəsait təmin edəcək. İnanıram ki, əhəmiyyətli irəliləyiş əldə edəcəyik", - Maklaflin deyib.
O, həbslərin sayının artırılmasının buna nail olmağa kömək edəcəyini qeyd edib. Daxili Təhlükəsizlik Departamentinin məlumatına görə, Donald Trampın bu ilin yanvar ayında andiçmə mərasimindən bəri ICE xidmət üçün 175.000 müraciət alıb və bu rəqəm artmaqda davam edir.
Ümumilikdə, Maklaflinin qeyd etdiyi kimi, Trampın ikinci administrasiyası dövründə hüquq-mühafizə orqanlarının əməkdaşları ABŞ-da 500 mindən çox qanunsuz immiqrantı saxlayıb, daha 1,6 milyon nəfər isə deportasiya təhlükəsi ilə ölkəni könüllü olaraq tərk edib.
Tramp əvvəllər vəzifəyə başlamazdan əvvəl ölkəyə təxminən 25 milyon insanın qanunsuz daxil olduğunu bildirmişdi. ABŞ prezidenti dəfələrlə daha sərt immiqrasiya siyasətinin tərəfdarı olub. Andiçmədən sonra o, ABŞ-Meksika sərhədində fövqəladə vəziyyət elan edən sərəncam imzalayıb. Tramp bildirib ki, Amerika tarixində qanunsuz immiqrantların ən böyük deportasiya əməliyyatını həyata keçirmək niyyətindədir.
Əziz MUSTAFA
