Avropada yalnız Finlandiya müharibəyə hazırdır

Le Monde qəzetinin köşə yazarı Silvi Kauffmann yazır ki, təxminən dörd ildir davam edən Ukraynadakı münaqişə kəskinləşib və Rusiya ilə NATO arasında mümkün qarşıdurma getdikcə daha real hala gəlir. O qeyd edir ki, Finlandiya istisna olmaqla, Avropa belə bir ssenariyə hazır deyil.

Polşada əhalini mümkün fövqəladə hallara hazırlamaq üçün tədbirlər görülüb: vətəndaşlar su, radio, fənər və nağd pul olan torbalar toplayırlar. Bu addımlar əvvəllər oxşar tədbirlərin tətbiq olunduğu Helsinki sakinlərinin təcrübəsini xatırladır. Silvi Kauffmann Polşanın Baş naziri Donald Tuskdan sitat gətirir: "İstəsək də, istəməsək də, bu bizim müharibəmizdir."

Le Monde köşə yazarı qeyd edir ki, Avropa paytaxtlarında və hərbi qərargahlarda atmosfer dəyişib. Fransa Baş Qərargah rəisi Fabien Mandon bildirib ki, Fransa ordusu üç-dörd il ərzində mümkün toqquşmaya hazır olmalıdır. Silvi Kaufmann vurğulayır ki, Finlandiya istisna olmaqla, Avropa belə bir ssenariyə hazır deyil və logistika geridə qalır.

Böyük ixrac müqavilələrinə öyrəşmiş Avropa müdafiə sənayesi liderləri potensial münaqişəyə hazır deyildilər və səylərini əlaqələndirməkdə çətinlik çəkirlər. Müdafiə istehsalı büdcələrinin artmasına baxmayaraq, bu vəsaitlər qeyri-bərabər bölüşdürülür. Silvi Kaufmann adı çəkilməyən bir avropalı sənayeçidən sitat gətirir: "Amma hamımızın bəzi çətinlikləri var."

Əziz Mustafa