Polşa xarici işlər naziri Mask və Dmitriyevi "Avropanı bölmək" istəməkdə günahlandırdı
Polşa xarici işlər naziri Radoslav Sikorski sosial mediada milyarder Elon Mask və Rusiya Prezidentinin Xarici Ölkələrlə İnvestisiya və İqtisadi Əməkdaşlıq üzrə Xüsusi Nümayəndəsi Kirill Dmitriyevi Avropa ölkələrini bölmək istəməkdə günahlandırdı.
"Oliqarxlar Dmitriyev və Mask bizə hakim olmaq və istismar etmək üçün Avropanı bölmək istəyirlər", - deyə Polşa diplomatı yazıb.
Bir gün əvvəl milyarder Avropa Birliyinin ləğv edilməli olduğunu və ayrı-ayrı ölkələrin hökumətlərinin xalqı daha yaxşı təmsil edə bilməsi üçün suverenliklərini bərpa etməli olduqlarını bildirmişdi. Buna cavab olaraq Sikorski iş adamına "Marsa getməyi" məsləhət görüb.
Elə həmin gün Dmitriyev Maskla razılaşdı ki, Avropa sivilizasiyası "unudulmağa doğru gedir". Milyarderin sözlərinə görə, Avropa "unudulmağa doğru yuxuda gəzir". Rusiya prezidentinin xüsusi nümayəndəsi isə bu ifadə ilə cavab verdi: "Bu, sadəcə gəzmək deyil, yarışmaqdır".
Əziz Mustafa
.jpg)
